Канфлікт вакол вадаёма цягнецца ўжо тры гады. Як сцвярджаюць дачнікі, гэта возера, і паказваюць дакументы з пацвярджэннем, што яно праточнае. Копанкай яго называюць мясцовыя ўлады, якія хочуць здаць яго ў арэнду любым коштам.
Так выглядае возера ў Цыкунах з вышыні птушынага палёту
Дэжа-вю праз тры гады
Канфлікт пачаўся ў 2021 годзе. Віктар Крот, у якога дача ў пасёлку з 2016 года, вырашыў, што на вадаёме можна зрабіць бізнес. Ён патомны урач-практолаг, але тут «прапанаваў таварышам узяць вадаём у арэнду і пачаць яго добраўпарадкоўваць».
Лекар Віктар Крот. Фота: Гомельшчына. Афіцыйна
Сябры і калегі ў 2021 годзе стварылі ААТ «Грын плэйс», асноўны занятак якога – прэснаводнае рыбаводства. У 2021 годзе фірмай кіраваў Андрэй Чарноў, яшчэ адзін урач, пластычны хірург. Ён не згадвае пра бізнес у сацсетках, якія прысвечаныя выключна працы доктарам. Акрамя таго, хоць прысутнічаў на сустрэчы з жыхарамі тры гады таму, у гэтым годзе заўважаны не быў.
Галоўны ўрач абласной спецыялізаванай клінічнай бальніцы Сцяпан Крот (бацька арандатара вадаёма) на ўручэнні ўзнагароды “Найлепшы настаўнік” ад Гомельскага аблвыканкама. Фота: “Гомельшчына Афіцыйна”
Крот тлумачыў, што ідэя ўзнікла, каб выратаваць возера-сажалку і без ягонай працы, яно загіне. Але нюанс у тым, што размова пра гэта ішла тры гады таму, нейкія катастрафічныя з вадаёмам за гэты час змены заўважаныя там не былі.
Што цікава, мясцовыя ўлады, што ў 2021 годзе, што цяпер прадстаўляць інтарэсы дачнікаў не планавалі, а абодва разы прыехалі на месца, падобна, у якасці ўзмацнення для прадстаўнікоў «Грын плэйса».
Развіццё канфлікту
У гэтым годзе актывізаваліся работы каля вадаёма, і гэта прывяло да канфліктаў і штрафаў. У мясцовым чаце жанчына з імем Валя Гусева (сястра Віктара Крата) выклікала на тых, хто спрабаваў купацца ў возеры – міліцыю. Так былі выпісаны 42 штрафы. Дачнікі збіраліся на сходы і паказвалі нарад побач.
Дачнікі купаюцца ў вадаёме ля Цыкуноў. Фота: Флагшток
Па выніку давялося склікаць яшчэ адну сустрэчу дачнікі-мясцовыя ўлады – бізнес.
«Гэта не наш мясцовы скандал. Мы сапраўды хацелі быць пачутымі ўладамі», – заявіла ў суботу прадстаўніца дачнікаў.
Яна ж адзначыла, што яны маюць дакументы, якія пацвярджаюць тое, што вадаём праточны.
Аргументы бакоў
Бізнесоўцы тлумачаць, што для вадаёма стане толькі лепей, яны ўсё ўпрыгожаць. Зробяць масткі для платнай рыбалкі, абмяжоўваць дачнікаў не стануць і нават дазволяць бясплатна лавіць рыбу (толькі з берага, а з вады за палову аплаты).
Дачнікі хочуць мець магчымасць адпачынку, плавання, паказваюць дакументы, якія паказваюць, што вадаём праточны (а, значыць, у арэнду яго здаваць нельга), нагадваюць пра рэдкіх жывёлаў і расліны каля возера і просяць арганізаваць пляж, каб іх перасталі караць за плаванне.
Па гэтых звестках, толькі ў 2024 годзе арандатары пачысцілі возера, але не прытрымліваліся норм заканадаўства пра ахову прыроды, былі разбураныя птушыныя гнёзды. Мясцовыя жыхары кажуць, што з імі ніхто не абмяркоўваў план выкарыстання зямлі каля вадаёма, акрамя таго, абяцанае зарыбленне возера не адбывалася тры гады.
Гомельскія ўлады занялі такую пазіцыю, што вадаём – копанка («Сажалка №5») (а, значыць, яны мелі ўсе правы здаць яго ў арэнду і заадно, забараніць там купацца). Мала таго, чыноўнікі пакарысталіся прыездам, каб упікнуць за стыхійныя звалкі дачнікаў і паабяцаць устанавіць фотапасткі на парушальнікаў. У прынцыпе, гэта адзінае канкрэтнае дзеянне дэлегацыі, якая прыехала да возера.
Возерам вадаём пад Цыкунамі называла і галоўная прапагандысцкая газета Гомельскай вобласці ўсяго за некалькі месяцаў да пачатку канфлікту з арэндай.
Для абароны вадаёма мясцовыя жыхары і дачнікі сабралі каля 600 подпісаў, але ў выніку не атрымалі ні права купацца ў гэтым возеры, ні абсталяванага пляжу, ні шансу, што іх патрабаванні будуць пачутыя ўладамі ці прадстаўнікамі бізнесу.
