“Гомель Online” – буйны гарадскі рэсурс, які мае больш за 123 тысячы падпісчыкаў. Апошнім часам яны друкавалі вельмі нейтральную інфармацыю: напрыклад, пра штармавое папярэджанне, альбо пра тое, як беларусы пабудавалі дом з марскога кантэйнера.
У сябе на старонках у сацыяльных сетках “Гомель Online” напісалі, што яны не з’яўляюцца экстрэмісцкімі, паколькі ў Рэспубліканскім спісе экстрэмісцкіх матэрыялаў няма іхняй групы. Можа быць, чуткі пра “экстрэмізм” з’явіліся раней, чым быў абноўлены гэты спіс. Аднак цяпер у дакуменце Мінінфармацыі пазначана, што суд Чыгуначнага раёна Гомеля абвясціў экстрэмісцкімі матэрыяламі інтэрнэт-старонку ў сацыяльнай сетцы “УКантакце” з назвай “Гомель Online”, якая мае ідэнтыфікатар https://vk.com/gomel_24.
А на прапагандысцкай старонцы завода ЗЛІН у тэлеграме згадалі рэсурсу 2020-ы год, калі тыя размяшчалі інфармацыю пра Ціханоўскага ці пра акцыі пратэсту супрацоўнікаў МТС.