13 студзеня, на Шчодры, усе ахвотныя могуць паўдзельнічаць у сапраўдным беларускім калядаванні.
фота: філіял Веткаўскага музея
Як адзначаецца на старонцы філіяла Веткаўскага музея, “мы ладзім наш традыцыйны паход гаманкім-звонкім гуртом у горад! У кампаніі Казы і Мядзведзя з традыцыйнымі спевамі і вясёлымі пажаданнямі пойдзем на базар! Апранайцеся адпаведна надвор’ю. Ды бярыце з сабой за кампанію добры настрой і пару сяброў. Пажадана захапіць з сабой стракатую хустку, незвычайны капялюш, размаляваць твар – каб “пераўвасобіцца” ў нейкага персанажа. Бо традыцыя таго патрабуе. Пачатак – у 11 гадзін каля філіяла Веткаўскага музея.”
Прыклад шчадроўкі з в.Стаўбун (Веткаўскі раён):
Каб вяліся куры ды каровы
І заўсёды вы былі здаровы!
Майце торбу грошай
І жывіце ў раскошы!
Каб вашыя сталы ламіліся пірагамі,
А вашыя кішэні – грашамі!