Горад лесвіц і пагоркаў Мазыр стварае перашкоды для жыхароў для іх пераадольвання. А часам пад’ём пераўтвараецца ў сапраўдны квэст. Драўляная лесвіца ў Мазыры на вуліцы Шчорса нават пасля рамонту працягвае пужаць сваім станам.
На тое, што гэтыя ходнікі ў неналежным стане, гараджане скардзіліся яшчэ ў красавіку.
«На гэтых сходах нават з заменай прыступак моцна не затлумляліся, прыбралі зламаныя прыступкі і зрабілі роўную дарожку пад нахілам. І калі колькі, то ідзеш там у абдымку з парэнчамі (калі яны ёсць)», – пісала тады Л.
пасля рамонту стан лесвіцы палепшыўся не надта
А гэта ўжо водгукі пасля рамонту.
«Хацелася б, каб кіраўніцтва ЖЭУ паспрабавала прайсці па гэтых сходах вось у такое дажджлівае надвор’е. Калі ніхто з іх не паслізнецца і не паляціць уніз, я буду вельмі здзіўлены. Прыступкі, тыя якія старыя, усё ў мокрае надвор’е проста ў коўзанку ператвараюцца. А спуск там круты. І яр глыбокі. Хтосьці чакае няшчасных выпадкаў?» – запытаўся Л.А.
«Шчыра, мой стары драўляны сарцір выглядае надзейней))). І 20 гадоў без рамонту…», – дадаў В.А.
«Штодзень» пісаў пра яшчэ адну лесвіцу ў Мазыры, па якой страшна спускацца. Неўзабаве там пачаўся рамонт. Для гэтага побач зрабілі драўляныя ходнікі, якія таксама выклікалі крытыку ў гараджанаў.
Штодзень
Фота: з мазырскіх чатаў
