175
Такую магчымасць абмеркавалі на штабе аблвыканкама. БРСМ прадставіў спісы падлеткаў ва ўзросце ад 14 да 18 гадоў, «гатовых падключыцца да расчысткі населеных пунктаў і могілак ад дрэў».
У спісах, прапанаваных дзяржаўнай моладзевай арганізацыяй абласным уладам, больш за 1700 падлеткаў і моладзі.
Плаціць ім не плануюць. Але збіраюцца «уладзіць усе арганізацыйныя моманты, забяспечыць выкананне патрабаванняў тэхнікі бяспекі».
Ураган прайшоў 14 ліпеня, але праз 20 дзён усё яшчэ паваленыя дрэвы усё яшчэ не прыбраныя: у населеных пунктах вобласці іх засталося каля 1,1 тысячы. Толькі потым збіраюцца пераключыцца на ўборку могілак. Там, па звестках абласных уладаў, засталіся ў асноўным праблемныя дрэвы, з якімі працуюць прамысловыя альпіністы.
