Паводле інфармацыі Штодня, у судзе Цэнтральнага раёна Гомеля адбудзецца пасяджэнне аб умоўна-датэрміновым вызваленні ад асноўнага пакарання ў выглядзе абмежавання волі. Падсудны – былы галоўны лекар Гомельскай абласной інфекцыйнай бальніцы Віктар Кармазін. Яго затрымалі ў лістападзе 2018 года. Як паведамлялі тады СМІ, кіраўніка інфекцыйнай бальніцы абвінавачвалі ў хабары, звязаным з закупкамі медыцынскага абсталявання.
Гомельская абласная інфекцыйная клінічная бальніца, фота: https://uzgoikb.by/
Абавязкі галоўнага лекара пасля арышту Віктара Кармазіна стаў выконваць ягоны намеснік Сяргей Бірыч. На дадзены момант галоўным лекарам Гомельскай абласной інфекцыйнай бальніцы з’яўляецца акурат той самы Сяргей Бірыч. У 2022 годзе галоўнае ўпраўленне па ахове здароўя Гомельскага аблвыканкама ўзнагародзіла Сяргея Бірыча дыпломам за ўнёсак у развіцці аховы здароўя на Гомельшчыне ў 2021 годзе.