Усяго ў мінулым годзе ў Беларусі здзейснілі 85 374 злачынстваў. У параўнанні з 2022-м узровень знізіўся – пазалетась было зарэгістравана 88 555 злачынстваў.
Абсалютным лідарам па колькасці злачынстваў стаў Мінск (20 471 выпадкаў). А вось па колькасці злачынстваў на 100 тысячаў жыхароў – зусім іншы антырэйтынг. На першым месцы і трэцім – Асіповіцкі і Клічаўскі (Магілёўская вобласць), на другім месцы – Добрушскі (Гомельская вобласць).
Так, мясцовая раёнка адзначае, што ў гэтым рэгіёне сталі часцей караць мясцовых жыхароў па абвінавачванні ў дзеяннях з зброяй і боепрыпасамі.
«У мінулым годзе ў судзе намі падтрымана дзяржаўнае абвінавачанне ў дачыненні да 5 жыхароў раёна, якія ўчынілі такія злачынствы, – пахвалілася старэйшы памочнік пракурора Ганна Кучынская. – У гэтым – у дачыненні да сямі абвінавачаных. Санкцыі артыкулаў прадугледжваюць шырокі спектр пакаранняў да пазбаўлення волі».
Так, пенсіянера пакаралі двума гадамі «хіміі» за знойдзены тайнік са зброяй, якая праляжала ў тым месцы 20 год. Як знайшлі тую хованку сілавікі не тлумачаць, але хваляцца, што прыйшлі да 70-гадовага мужчыны з вобшукам, бо атрымалі інфармацыю.
