У Гомелі немагчыма набыць квіткі на фільм Андрэя Кудзіненкі “Дзесяць жыццяў Мядзведзя”, зняты з невядомых прычын з конкурснай праграмы “Лістападзіка”. І хоць на сайце сервіса па анлайн-продажы квіткоў стужка маецца, аднак набыць на яе квіткі немагчыма.
Афіша стужкі “10 жыццяў мядзведзя”
“Дзесяць жыццяў Мядзведзя” мусілі паказаць на конкурсе для дзіцячай і юнацкай аўдыторыі “Лістападзік”. Зрэшты, гэта быў адзіны беларускі фільм, прадстаўлены ў дадзенай праграме. Стужку знялі не толькі з кінафестываля, але і з кінавідэапраката ў Менску і Гомелі. Ходзяць чуткі, што здарылася гэта пасля нейкага ліста з Міністэрства культуры.
На конкурсе для дзіцячай і юнацкай аўдыторыі “Лістападзік” перамог расейскі фільм “Звон надзеі”, дзе галоўнага героя сыграў акцёр Юрый Назараў, які лічыць Украіну часткай Расеі.