Рамонт працягнецца да канца 2026 года, заявіў DW намеснік тэхнічнага дырэктара па інфраструктуры ДП “Чарнобыльская АЭС” Сяргей Кандраценка.
Грант на гэта будзе выдзелены праз Еўрапейскі банк рэканструкцыі і развіцця, прафінансуюць рамонт міжнародныя партнёры.
Арка бяспечнага канфайнменту (саркафага) над ЧАЭС пацярпела ад атакі расійскага дрона ў лютым 2025 года. Тады, па звестках Кандраценкі, згарэла гідраізаляцыя і была пашкоджаная мембрана, якая забяспечвала герметычнасць вонкавай абалонкі аркі. Акрамя таго, каб патушыць пажар, выратавальнікі зрабілі ў вонкавай абалонцы саркафага 130 адтулін агульнай плошчай каля 130 квадратных метраў.
5 снежня Міжнароднае агенцтва па атамнай энергіі (МАГАТЭ) апублікавала вынікі ўсебаковай ацэнкі саркафага ЧАЭС, які быў пашкоджаны ў лютым гэтага года з-за атакі расійскага дрона. Стала вядома, што саркафаг страціў асноўныя абарончыя функцыі. У арганізацыі лічаць, што для доўгатэрміновай бяспекі неабходна цалкам аднавіць канструкцыюы.
Штодзень
Фота: dsns.gov.ua
