На 50-м годзе жыцця пайшоў ад нас Андрэй Бардухаеў-Арол — гомельскі рэжысёр, акцёр, сапраўдны творчы чалавек, які ў 2020 годзе зрабіў свой выбар і смела стаў побач з народам. Ён актыўна ўдзельнічаў у пратэстах, а пасля таго, як іх жорстка задушылі, не спыняўся і працягваў змагацца за праўду.
Вядома, за гэта яму давялося з’ехаць з Беларусі. Але і раней ён не маўчаў. Многія памятаюць гісторыю, калі галоўны ідэолаг Гомеля Атаманчук спрабаваў заціснуць акцёраў Маладзёжнага тэатра. Тады Андрэй быў сярод тых, хто не здаў пазіцый і бараніў права на творчасць.
Пасля 2020 года яго пераследавалі — і яго самога, і сям’ю, нават дзяцей. Ягоную старонку ў сацсетках улады прызналі “экстрэмісцкай”. У эміграцыі яму, як і многім, хто вымушаны быў кінуць усё дарагое і роднае, было вельмі няпроста.
Падтрымаць сям’ю Андрэя ў гэты цяжкі час можна наступным чынам (для тых, хто жыве ў Польшчы):
Нумар для пераводу (BLIK): +48796525441
Рэквізіты карткі:
Alesia Bardukhayeva-Arol