У гомельскім шматкватэрным доме на вуліцы Косарава адбыўся ўзрыў, які сур’ёзна пашкодзіў дом, некалькі паверхаў абрушыліся, людзей з аднаго пад’езду адсялілі. У сацсетках актыўна абмяркоўваюць наступствы, крытыкуюць улады і распаўсюд інфармацыі. «Штодзень» адсачыў рэакцыю.
«Шкада людзей», але на ўлады надзеі няма
«Вось людзям гора — не дай бог. Спадзяюся, хоць ніхто не загінуў», – піша Ш.
Але надзеі на ўлады не так і шмат: «Пішуць, што быў выбух. Людзей шкада. Застануцца без даху над галавой. Можа, улады падключацца і дапамогуць». Але нават на такую нясмелую надзею іншыя карыстальнікі ставяць смайлікі.
«Людзі засталіся ў тым, у чым былі, страцілі ўсё нажытае за ўсё жыццё. Што яны павінны разумець? Азірнуліся — засталіся з «нулём». Як жыць далей? Хто кампенсуе, верне ўсё, што было ў кватэрах і было нажыта за ўсё жыццё? Ці прадставіць новыя кватэры — сёння і цяпер?» – запытваецца Е.З.
«Астатнім жыхарам, чые кватэры не пацярпелі, як цяпер жыць без святла, вады, газу?!» – пытаецца Св.
Каментары ў сацсетках дзяржСМІ былі больш кампліментарнымі, але і тут людзі не маглі ўстрымацца ад адкрытай крытыкі дзеянняў уладаў.
«Дом пад знос. Што ў нашай краіне няма грошай, каб усім людзям даць кватэры», – адзначае П.
«Трэба правяраць не пажарныя апавяшчальнікі бясконца службам МНС, а тое, як падведзены газ, тым больш у старых дамах. Прыватныя дамы — раз на год тэхнічнае абслугоўванне, людзі грошы плацяць. А што ў кватэрах не так?» – пытаецца Т. пад публікацыяй галоўнага прапагандысцкага выдання вобласці.
«Не магу не пагадзіцца… Нам вось дом пабудавалі — пяціпавярховік, і ў кожнай кватэры свой газавы кацёл. Шчыра кажучы, даверу ён у мяне не выклікае. І самае цікавае, што нават інструктажу па карыстанні не правялі. Як хочаш, так і рэгулюй. Мы проста прачыталі інструкцыю», – скардзілася І. у каментарах.
«Ніколі такога не было — і вось зноў! Няхай вам дапаможа Гасподзь!» – піша К.Др.
«Цікава, дзяржава як-небудзь дапаможа пацярпелым???» – пытаецца адзін карыстальнік.
«Цікава, што ж нашы ўлады прыдумаюць, каб не рассяляць гэты дом????» – цікавіцца другі.
«У шматкватэрным доме рванула. а трэсці і шухер наводзіць будуць у прыватных сектарах», — перакананы Р.
«Цікава, на які тэрмін людзям прадаставілі нумары ў гасцініцы. Новы год на носе, не думаю, што гасцінічны комплекс будзе рады стратам», – запытваецца У.
«Па пошце прыйдуць адпіскі: «усё ў здавальняючым стане, можна жыць», – чакае карыстальнік.
З распаўсюдам інфармацыі нешта не тое
«Па БТ такое пакуль не паказвалі. Аператыўна трэба паведамляць насельніцтву інфармацыю», – скардзіцца каментатар сацсеткі дзяржСМІ Вел.
На фоне недахопу інфармацыі некаторыя карыстальнікі нават падазраюць тэракт і шукаюць расійскі («гэта рускія») і «ўкраінскі след».
«Хто верыць, што гэта выпадкова?» – пытаўся К.1948.
Але каментатары часам задавалі важныя пытанне, а госці шчыра на іх адказвалі: «А вы ўявіце, што робіцца ва Украіне — там людзі перажываюць такое кожны дзень».
«Успышка» – што не так з новай мовай МНС
МНС Беларусі лёгка падхапіла практыку расійскіх калегаў. Узрыў яны называюць «выхлапам», «успышкай». І хаця ёсць тыя, хто дзякуе ратаўнікам за работу, болей тых, хто скардзіцца на падобную практыку.
«Быў выхлап газу без агню, чула ў навінах», – піша С.М.
Іншыя карыстальнікі не разумеюць сітуацыі, якую распісалі ратаўнікі: «Гэта газ — ён жа мусіў бы загарэцца!! А тут — не!! Чаму???»
У.См., як і некаторыя іншыя каментатары, раіць забараніць газ у шматпавярховіках, пакінуўшы толькі электрычнасць.
«Успышка? Гэта як адмоўны рост? – пытаецца карытальнікі – Якая яшчэ «ўспышка»? Узрыў перасталі называць! А? ужо і «хлапком»».
