Гомель традыцыйна лічыўся зялёным горадам. У шатах яго каштанаў можна было знайсці паратунак ад сонца і нават дажджу. Але за апошнія гады сітуацыя кардынальна змянілася і цяпер цэнтральныя вуліцы засталіся толькі з імітацыяй сапраўдных дрэваў ды “іржавымі фэйкамі”. “Штодзень” выправіўся на вуліцу Савецкую і паспрабаваў разабрацца ў сітуацыі.
Сярод афіцэраў, пазбаўленых звання за антываенную пазіцыю, ёсць гомелец Аляксандр Пануца. Ён двойчы звяртаўся да людзей у форме з заклікам не ўдзельнічаць у вайне супраць Украіны.
Аляксандр Лукашэнка пазбавіў званняў 80 афіцэраў, сярод якіх начальнікі з Дзяржаўнага памежнага камітэта і пагранічных войскаў, а таксама афіцэр з асабістай аховы. Многія з іх яшчэ нядаўна атрымлівалі ўзнагароды за…
Да пачатку пандэміі ўсе радзільні горада прадастаўлялі паслугу “Партнёрскія роды”, калі з парадзіхай маглі прысутнічаць муж ці маці. Аднак падчас пандэміі каранавірусу партнёрскія роды адмянілі.
Адпаведнае рашэнне прыняў гомельскі гарадскі Савет дэпутатаў. Акрамя вуліцы з’явіцца таксама сквер Архіепіскапа Арыстарха.
Блог Мар’яны Ліс пра “рускі мір”
Адмысловыя канструкцыі для запавольвання руху транспарту з’явіліся на адной з галоўных вуліц Гомеля летась пасля рэзананснай аварыі са смерцю маленькай дзяўчынкі. Аднак з невядомых прычын гарадскія ўлады раптоўна адмовіліся ад свайго чарговага “эфектыўнага” рашэння існай праблемы. “Штодзень” прыглядзеўся да праблемы і прыгадаў іншыя прыклады клопату мясцовых уладаў і ДАІ пра бяспеку гараджан.
Участковы педыятр Мая Тэрэкулава напісала допіс у сацыяльнай сетцы ў фэйсбуку наконт адмены так званага правіла “пяці дзён”. Нагадаем, у кастрычніку 2021 года Мінздароўя і Мінадукацыі прынялі сумеснае рашэнне, паводле якога школьнікам і студэнтам можна было не прадастаўляць даведкі пры адсутнасці па хваробе цягам 5 дзён. Цяпер дадзеная норма адмененая. “Штодзень” прыводзіць у скарочаным варыянце тэкст участковага педыятра Маі Тэрэкулавай пра праблемы, якія цяпер узніклі ў лекараў.
Скульптура катрыншчыка ў Навабеліцкім раёне Гомеля паспела стаць адным з рэдкіх прыкладаў цікавых гарадскіх адметнасцяў. Аднак стан, у якім яна знаходзіцца цяпер, цяжка назваць станоўчым: паўсюль шчыліны і расколы, а правую руку наогул адламалі. “Штодзень” разбіраўся ў прыгодах “старога катрыншчыка”.
Таццяна Кублашвілі нарадзілася ў Гомелі, скончыла тут школу і універсітэт, пасля выкладала ў БелДУТ шэраг сучасных архітэктурных дысцыплін. Прымала актыўны ўдзел у гомельскіх пратэстах 2020 г., не хавала сваю пазіцыю на працы. У студзені 2021 выкладчыца сышла з ВНУ у знак салідарнасці з рэпрэсаваным калегам Яўгенам Малікавым. Вясной таго ж года разам са сваім мужам Аляксеем і маленькімі дзецьмі была вымушана з’ехаць у Польшчу, зараз сям’я жыве ў Гданську. “Штодзень” паразмаўляў з Таццянай пра звальненне з БелДУТа, вымушаны пераезд, архітэктуру як сацыяльную справядлівасць і жыццё ў эміграцыі.